بالعكس يا لحن

الموضوع مهم جدا...

الموضوع وما فيه مش هروب من المناقشة و لا عدم اهتمام

لكن زي ما قلت انت و حسن المقارنة صعبة و الاختيار صعب

هاحاول اجمع قدر من الشجاعة واشارك في الحوار

شجاعة مع النفس اولا و اخرا

اعتقد الحب او القلب و الكرامة لا يمكن التفرقة بنهم
سواء بالنسبة للرجل او المرأة

يمكن يكون الاختلاف في الترتيب

القلب و الكرامة

ولا الكرامة و القلب

ورغم الارتباط التام بينهم لا انه هناك خط فاصل
او نقطة توقف لابد الانتباه لها من الطرفين

مش معني اني احب اني اتنازل عن كرامتي و كبريائي
ممكن اتعمد اتجاهلهم لحد معين

لكن لو تعمد الطرف الثاني الاهانة و جرح المشاعر و الكرامه
بطريق مباشر او حتى غير مباشر
بيكون الحرج و الالم عميق اوي و خصوصا بالنسبة للمرأة

وزي ما هو من الصعب التحكم في المشاعر و الحب
لان طبعا الحب ده مش بادينا
وزي ما بيقولوا مراية الحب عامية
بردووو صعب ننسى الجرح مهما مر عليه الزمن
يظل جرح الكرامة محفور في الذاكرة زي العاهة المستديمة كده
هنعيش بيها ايوه و نعمل نفسنا مش واخدين بالنا منها
علشان الحياة تمشي لكنها موجودة

ده لو الطرف الاخر على الاقل قدم اعتزار و ندم

اما لو تمادى في الاهانة و الجروح

في الحالة دي يبقى يتحول القلب لمضخة دم فقط لا غير ...