لو عاوز تعرف أنت مين ....... ( أدخل ) !!

**خالدالمصري**

أخي المصري ..... أختي المصرية
هل تحب النقد ؟ هل تحب أن أحدثك عن نفسك ؟
قبل أن أبدأ يجب أن تكون مصرياً ... هذا شرطي الوحيد للاستمرار في القراءة !!
- هل تعلم أن المصري له صفات خاصة تنطبق عليك ... فهو يعتقد أنه :
* بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد
* بيحط الريموت كونترول في كيس بلاستيك كعادة فرعونية
* يقف يتكلم على الباب نص ساعة بعد إنتهاء الزيارة والسلام
* لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
* ييجي بعد معاده بساعتين ويفتكر إن ده عادي
* لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
* بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
* بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
* عنده صينية مكسرات متقسمة لتلات او أربع أقسام لزوم المزاج وعمره ماإستخدمه ا
* ممكن يعدي التلاتين ولسه عايش مع أمه وأبوه وماعندهومش مشكلة
* بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش
* بيكون عنده شواية لزوم الرحلات أقصى استخدام لها كان مرة واحدة في العيد
* بيشيل طابع البريد من على الظرف لو الختم ماكانش عليه
* بيفتكر إن أي حد بيشتغل في الخليج بيغرف فلوس من غير حساب
* بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
* برده بيتخانق ساعة دفع الحساب بحرارة شديدة على إنه هو اللي لازم يدفع
* بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
* والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية !!
... ومننساش أن أخف دم هو ( دم المصري ) ... وعجبي !!
عرفت أنت مين !!؟

**شروق88**

معاك ياخالد فى بعض تلك الصفات ولكن البعض الاخر اعترض وارى انها سمات مشتركه بين الجميع خاصه العرب..وعموما كل اللى قلته حاجات كويسه ولمصلحتنا احنا شعب طيب لاقصى درجه..ومفيش زيين بصراحه واخواننا العرب عارفين كده ..وكفايه ان مصر ذكرت فى القران..وان خير جنود الارض احنا..الحمدلله..

وبالنسبه لخفه الدم بقى دى حاجه طبيعيه عندنا العيل بيتولد دمه زى العسل ههههههههه نعمل ايه ربنا خلقنا كده...

اشكرك خالد على مجهودك الرائع..

**خالدالمصري**

أهلاً شروق

قبل متناقش معاكي في أعتراضك !!

عاوز أسألك سؤال ...

الصفات اللي فاتت عمرك ماشفتيها في أخوكي أو جارك

أو حد تعرفيه من قريب أو بعيد !!

..أنا مش بقلل من شخصية المصري !!

..بس خفة دمه زي ما ذكرتي معاي

هي اللي بتخليه يعمل كده !!

... وماتنسيش يا شروق أني أنا مصري

... أنتي ناسية أني أسمي خالد المصري !!

**eenoooo**

بصراحة افضل موضوع دخلتة لحد الان موضوع خفيف وجميل جدااااااااااا
تسلم ايدك